Friday 3 April 2009
ഞാനെന്ന സത്യം
മറഞ്ഞു തുടങ്ങിയിരുന്ന കിനാവല്ലികളില് നീ ഒളിപ്പിച്ചതെന്തായിരുന്നു....പ്രാണനെ വെറുക്കുന്ന നിന്റെ കണ്ണുകളില് നീ സൂക്ഷിച്ചതെന്തായിരുന്നു..…അതെന്നെതന്നെ ആയിരുന്നില്ലേ ….മറവിയുടെ മാറാല മൂടിയ പുസ്തകത്താളുകളില് നീ സൂക്ഷിച്ച മയില്പീലി അതെന്റെ നിശ്വാസമായിരുന്നു …നീയും …കാലത്തിരശീലക്കപ്പുരമിരുന്നു നീ നെയ്തിരുന്ന ഓരോ സ്വപ്നങ്ങളിലും എന്റെ ആത്മാവുണ്ടായിരുന്നു ….എന്നെ തേടിയുള്ള നിന്റെ യാത്ര അവസാനിക്കുന്നത് നിന്നില് മാത്രമാണെന്ന സത്യം .... നിഴലായ് നിന്നിലലയുന്നതും ഞാന് തന്നെ…പ്രണയ വര്ണ്ണങ്ങളാല് നിറം പിടിപ്പിച്ച നിന്റെ അക്ഷരങ്ങളില് ഞാന് വായിച്ചെടുത്തത് ഞാന് കാണാന് കൊതിച്ച കാണാന് മറന്ന നിന്റെ പ്രണയമായിരുന്നു ….ഇപ്പോള് ആ അക്ഷരങ്ങള്ക്കു തീ പിടിച്ചിരിക്കുന്നു …. ആ തീ നാളങ്ങളില് എന്റെ ജന്മം ഉരുകി തീരുന്നു ….
Subscribe to:
Posts (Atom)