Wednesday 10 June 2009
സാഹോദര്യം
മറന്നുവോ സഖീ നീ പൊയ്പോയ നിലാവുകളും കടമെടുത്ത കിനാക്കളും.... സന്ധ്യാംബരത്തിന്റെ മന്ദസ്മിതങ്ങളില്‍ ചാലിച്ചെഴുതിയ നിന്‍റെ മൌനത്തിനു.... കാലപ്രവാഹത്തിന്റെ നൂപുരധ്വനികളില്‍ നീ മറന്നു വച്ച നിന്‍റെ പുഞ്ചിരിക്ക്.… കണ്ണീരോടെ….ഒരു പുഷ്പാര്‍ച്ചന…ശരീരവും ആത്മാവും ഒന്നിചെഴുതിയ ആ ഈണങ്ങള്‍… ശ്രുതി മീട്ടി മുഴുമിപ്പിക്കാതെ നീ ബാക്കി വച്ച എന്‍റെ ഹൃദയസ്പന്ദനങ്ങള്‍… ഒരു മൌന രാഗത്തിന്റെ തേരില്‍ അവയൊക്കെ ഇന്നും അലയുകയാണ് നിന്നെ തേടി… സാഹോദര്യത്തിനു പ്രണയതെക്കാലേറെ മധുരമുണ്ടെന്നു എന്നെ പഠിപ്പിച്ച നിന്‍റെ വാക്കുകള്‍…ഒരു പുഞ്ചിരിയോടെ മരണത്തെ പ്രണയിച്ച നീ…. ജീവിതം ഒരു സന്ദര്‍ശനം മാത്രമാണെന്നായിരുന്നു നിന്‍റെ ഭാഷ്യം….സന്ദര്‍ശനം കഴിഞ്ഞു നീ മടങ്ങുമ്പോള്‍ അരയാലിന്‍കൊമ്പിലിരുന്നു തേങ്ങുന്ന കുയിലുകള്‍ പാടാന്‍ മറന്നുവോ…. നീ നടന്നകന്ന വഴികളില്‍ ഒരു സാന്ത്വനഗീതവും തേടി ഞാനുമലയുന്നു…. നിനച്ചിരിക്കാതെ നിന്നരികില്‍…. പ്രതീക്ഷിച്ചുകൊള്‍ക, ഒരുനാള്‍ എന്നെയും… നിന്‍റെ മാത്രം ഏട്ടന്‍
സാഹോദര്യം
മറന്നുവോ സഖീ നീ പൊയ്പോയ നിലാവുകളും കടമെടുത്ത കിനാക്കളും.... സന്ധ്യാംബരത്തിന്റെ മന്ദസ്മിതങ്ങളില്‍ ചാലിച്ചെഴുതിയ നിന്‍റെ മൌനത്തിനു.... കാലപ്രവാഹത്തിന്റെ നൂപുരധ്വനികളില്‍ നീ മറന്നു വച്ച നിന്‍റെ പുഞ്ചിരിക്ക്.… കണ്ണീരോടെ….ഒരു പുഷ്പാര്‍ച്ചന…ശരീരവും ആത്മാവും ഒന്നിചെഴുതിയ ആ ഈണങ്ങള്‍… ശ്രുതി മീട്ടി മുഴുമിപ്പിക്കാതെ നീ ബാക്കി വച്ച എന്‍റെ ഹൃദയസ്പന്ദനങ്ങള്‍… ഒരു മൌന രാഗത്തിന്റെ തേരില്‍ അവയൊക്കെ ഇന്നും അലയുകയാണ് നിന്നെ തേടി… സാഹോദര്യത്തിനു പ്രണയതെക്കാലേറെ മധുരമുണ്ടെന്നു എന്നെ പഠിപ്പിച്ച നിന്‍റെ വാക്കുകള്‍…ഒരു പുഞ്ചിരിയോടെ മരണത്തെ പ്രണയിച്ച നീ…. ജീവിതം ഒരു സന്ദര്‍ശനം മാത്രമാണെന്നായിരുന്നു നിന്‍റെ ഭാഷ്യം….സന്ദര്‍ശനം കഴിഞ്ഞു നീ മടങ്ങുമ്പോള്‍ അരയാലിന്‍കൊമ്പിലിരുന്നു തേങ്ങുന്ന കുയിലുകള്‍ പാടാന്‍ മറന്നുവോ…. നീ നടന്നകന്ന വഴികളില്‍ ഒരു സാന്ത്വനഗീതവും തേടി ഞാനുമലയുന്നു…. നിനച്ചിരിക്കാതെ നിന്നരികില്‍…. പ്രതീക്ഷിച്ചുകൊള്‍ക, ഒരുനാള്‍ എന്നെയും… നിന്‍റെ മാത്രം ഏട്ടന്‍
Subscribe to:
Posts (Atom)
